Hekla nåleputer

Desse var kjappe og kjekke å hekle.
Brukte Bomull Sport.

Varp på Fretex.. ;)

Desse antikvitetane fann eg på Fretex ein dag. Sidan det ikkje sto prisen på dei, tok eg dei med meg i kassen og ville vita prisen.
"10 kr. pr. stk. skal du ha dei ?". Lettare sjokka: "Eeh.. jaaaaaaa takk !"

Knallgod sjokoladeiskake !

Denne iskaka er knallgod ! Løp og kjøp hvis det er noko du manglar for å kunne laga den !
Her kjem oppskrifta:

Kakebunn:
3 eggekvitar
1 dl sukker
1/2 plate kokesjokolade
2 1/2 dl kokosmasse

Sjokoladeiskrem:
3 eggeplommer
1 dl sukker
3 dl kremfløyte
1/2 plate kokesjokolade

Pynt:
bær og frukt etter smak
sjokoladedråpar

Pisk eggekvitane stive med sukker. Bland reven sjokolade med
kokos og skjær det forsiktig inn med ein slikkepott.
Smør ei form, 24 cm i diameter og legg gjerne bakepapir i bunnen
av forma. Fordel røra i og steik ved 170 gr i ca. 15-20 minutt.
Avkjøl bunnen på rist.

Pisk eggeplommane stive med sukker. Bland inn stivpiska fløyte og
1/2 plate hakka sjokolade. Legg bunnen, som er avkjølt tilbake i
kakeforma og fordel ismassen over. Sett kaka i frysaren minst 5-6 timar.

Ved servering tas kaka ut 10-20 minuttar før den skal serverast. Pynt med sjokolade dråpar eller reven sjokolade og frukt og bær etter eige ønskje.

Ankelkorte "innesokkar" med perler

I boka "Strikk og bruk" frå Du store Alpakka fann eg oppskrifta til desse ankelsokkane. Dei er strikka i Sterk på p.nr. 3

Pynta dei med perler og perlemorblomster.

Flott rosemåling

Denne rosemalte øskja har eg arva. Synest endå eg "kjenner" smaken av kjeksa som var i den. Er usikker på om den er å få kjøpt i dag. Vakker rosemåling !

Steingal ?

Har lite greie på steinsortar, men desse har eg funne på dei mange fjellturane mine.

Syns dei var så flotte, så eg tok dei med i sekken heim.
Har notert kor eg har funne dei og dato. Alle i vestlandske fjellparti.

Nytt til kjøkkenet

I min iver etter å redusera garnhaugen, vart desse vaskeklutane til.

Oppskrift:
Den øverste og nederste er strikka slik: La opp 57 m på p.nr. 3,5 og strikka 3 r og 1 vr. Avslutta pinnen med 1 r. Strikka slik på alle pinnane til nøstet var brukt opp.
Dei "spettete" er strikka med dobbelt bomullsgarn. La opp ca. 50 m og strikka riller (alle pinnar rett).
Dei nest nederst er hekla. La opp 50 lm og hekla fm fram og tilbake til nøstet var brukt opp.

Slike heimalaga klutar er mykje betre enn kjøpeklutane !
Best er det å bruka bomullsgarn som kan vaskast i maskin på 60 gr.

Hekla dekor

Med heklenål og restegarn vart desse slik.

Pulsvarmarar

Desse pulsvarmarane var kjappe å strikka, iallefall når utetemperaturen varierer sterkt i desse vårtider.
Eg brukte det nye garnet Royal Alpakka frå Dalegarn.

Det er VÅR !

Åååå for ei fin årstid ! Oppheld meg på terrassen med musikk på øyra, strikking og hekling på denne fine dagen.

Restegarnsopprydding

Etter eit langt liv med strikking og hekling, er det igjen tid for å bruka av restegarnlageret.
Då vart det endå fleire lommetøflar i Dalegarn sitt Falk, og hekla lappar til slumreteppe.
Men føler garnlageret er like stort... !

God påske til alle hobbyvener !

Vietnam - venskap

Etter ein ferietur til Vietnam nyleg fekk lommetøflane
bein å gå på ! ;) Det vart ei populær gåve !

Vart kjend med ei vietnamesisk ung jente som nettopp
hadde lært seg å strikka. Far hennar hadde sagt det var 2 ting
i livet ho måtte læra seg. Å lage mat og å strikke !
Han hadde laga 2 strikkepinnar i bambus, men ho hadde mista den
eine pinnen !

Då var det ikkje vanskeleg å gje frå seg pinnar og garn, og samtidig
læra henne å strikka lommetøflar! :)
Dagen etter kom ho smilande tilbake, for etter å ha sete oppe til
langt på natt, hadde ho strikka dei ferdig !

Og no er det på vei ein pakke med garn og pinnar frå Norge til
den skjønne jenta i Vietnam. :)

Thermis

2 mjuke, gode og varme halsar, populært kalla Thermis.

På www.hobbyboden.com har desse vore kjempepopulære. Diskusjonen gjekk i kva slags garn som var best å bruka. Min favoritt er dobbelt babygarn på p.nr. 4.

Hekla restegarnpute

Blir visst aldri ferdig denne ! Det skal bli ei pute, men det går i rykk og napp. Hm.. kanskje eg kunne strikke bakstykke i staden for å hekle..og heller hekle picot kant rundt til slutt. Kanskje den då blir fortare ferdig.. *fnis* Garnet eg brukar er Gjestal Bomull Sport.

Genial jakkepynt

Sjå her kva eg har fått av mi gode strikkeveninne ! Ho har laga bittesmå nøster og sett ei nål på baksida. Midt i blinken for ei strikkoman dame som meg ! Takk Kjellaug !

Gladsokkar ;)

Gladsokkar i Dalegarn sitt Falk. På bråtet har eg brukt effektgarnet Pelikan, også frå Dalegarn. Unnateke det siste paret, som eg ikkje hugsar navnet på.

Vottar i lange baner

Desse vottane har eg ikkje strikka sjølv. Det 1. 2. og 4. paret kjem frå handarbeidstreffet på Osterøy Museum. Det er gamle mønster som er rekonstruert. Par nr. 3 er det mi strikkeglade mor som har strikka.

Kjekke halsar

Kva slags farge skal eg velgja i dag, skal tru ?
Kjekke halsar strikka i Dalegarn sitt Lerke på p.nr. 4. Mjuke og gode ! Lerke er et kjempegodt kvalitetsgarn som inneheld 52 % Merinoull og 48 % Bomull.
Må innrømma eg er Dalegarn tilhengjar. Synest det er artig at garnet deira som oftast har eit fuglenavn. Har de tenkt over det ?

Vottar i tvebandstrikk og mønster frå gammal tid

Herlege vottar i tynt babygarn ! Kanten er i tvebandstrikk og mønsteret er frå gammal tid.

Har riktignok ikkje strikka dei sjøl, men det har ei av damene på handarbeidstreffet på Osterøy Museum gjort. :)