Vinhøne

Fekk denne artige strikka vinhøna til jul, med
innhald ! ;) Den skal vera strikka i Fritidsgarn
og tova i maskina. Takk til ei strikkeglad dotter !

Det er von i hangande snøre ! ;)

Det er von i hangande snøre ! Dette er meininga skal bli eit teppe. Fargane er fine til den nye sofaen, men eg har det med å gå lei av slike store prosjekt...

Eg brukar Dalegarn sitt Falk og heklenål 3,5. Oppskrifta står i Dalegarn sitt hefte nr. 214 Interiør & tilbehør.

Julebaksten er i gong.

Heimelaga Serinakaker i desse gamle kake boksane set ein ekstra spiss på jula !




Her er oppskrifta:
150 g meierismør
125 g sukker
1 egg
1/4 ts hjortetakksalt
1 ts vaniljesukker
200 g kveitemjøl
egg til pensling
finskårne mandlar
Rør smør og sukker kvitt. Ha i resten. Avkjøl deigen. Trill ei jevn pølse og del den i like store emner. Lag kuler og trykk ned med ein gaffel. Kakene penslast med egg og strøs med mandlar. Dryss gjerne på litt perlesukker. Steik ved 190 gr. 10-12 min.

Hekle kos :)

I desse travle førjulstider er det kjekt å komma heim
til denne korga med hekleduken som ventar.

Den vart påbegynt for hm.. 3 år sidan ! Det er lange pausar og går i rykk og napp.
Eg heklar den i Solberg bomullsgarn 12/3 off white og heklenål 1,00. Den skal dekka heile bordet, hvis den blir ferdig...
Mønsteret fann eg i KK så langt tilbake som 1981 ! Handarbeidsider blir ikkje kasta i denne heimen, nei. ;)
Dei får det morsomt dei som skal rydda etter meg ein gong. *fnis*

Førjulskos med strikka sokkar

Endå eit par sokkar er ferdig. Dei er strikka i Regia på p.nr. 3 1/2. Mønsteret heiter Blueberry Waffle Socks. Altså på godt norsk Vaffelsokkar ! :)

Sokkedilla. :)

Ingenting er som heima strikka sokkar.

Garn: Online, Regia, Fabel, Perfect og Sisu.

Dale sokkar.

Kjekke, kjappe sokkar å strikke !
Dei er strikka i Freestyle og Pelican frå Dalegarn.
Pinnenr. 5. Dei er strikka fram og tilbake og sydd sammen til slutt.
Oppskrifta står i Dalegarn hefte nr. 167. "Gøy med garn".

Tapte draumar..

Dette må vera teikn på tapte draumar !
Ufo heiter det i vår tid.
Her er store hekle prosjekt som er blitt liggande halvferdig i laaang tid, men også et par strikke prosjekt. Så "elle melle"...

Sånn er det i denne hobbyverda..

Slumreteppe

Teppet, Raspberry Chevron Afghan
har eg strikka i remser og sydd dei sammen.
Brukte Superwash ullgarn og p.nr. 4
Det er ca. 1,85 m langt og ca. 1,30 bredt.
Trudde faktisk at eg måtte strikke det breiare, men heilt unødvendig, då det er veldig elastisk
og strekkjer seg.
Et herleg teppe som varmer godt !

Hekla små brikker

Desse har eg hekla i Mølnlycke heklegarn.
Brukar dei som glass underlag. Skål ;)

Frå Skopelos

For nokre år sidan gjekk ferieturen til den lille greske øya Skopelos.
Der traff eg ei koseleg dame som sat på trappa
utenfor huset sitt å hekla.
Gjennom felles interesser fekk eg ekstra god kontakt med henne.

Eg gav henne eit hjerte i Hardangersøm som eg sjøl hadde sydd. Og til gjengjeld fekk eg denne fine hekla brikka !

Ankelsokker

Har eit mål om å få redusert garn lageret, og jammen fekk eg akkurat nok av dette garnet til eit par ankel sokker.

Dei kjem til å få bein å gå på. *fnis*

Haustkveld - strikkekos

-

Fyr i peisen, talgalys, sjokolade i koppen

og strikketøy ein novemberkveld. Det er kos det !

Babyjakke

Dette er babyjakka eg strikkar

til nyfødde små prinsesser og

prinser.

Mønsteret er frå 1970 talet.

Denne er strikka i Bambino, men

eg brukar oftast Dale baby ull.

Hekla veske

Hekla denne med fastmasker

i 2 forskj. garnsorter.

Kjekk å ha med seg på strikkekafe

med et lite handarbeid opp i.

Gamle gode minner.

Gamle gode minner frå oppveksten på 50 talet.

Gamle hobbybøker

Det er kjekt med slike gamle handarbeidsbøker. Dei blir tatt godt vare på av ei dame som meg.

Gladsokkar

Sokkar strikka i Regia på p. nr. 3.

Hekla slumreteppe

Dette vart den store overraskelsen i år. :)

Dottera flytta i ny leilighet dette året, og i smug hekla eg dette slumreteppet til bursdagen hennar.
Det fall i god smak !

Hekla i Superwash ullgarn. Heklenål 3,5.

Hekla lue

Lue hekla i Topp 't tå garn, heklenål nr. 5. 2 nøster.

Oppskrift:
Legg opp 6 lm, fest til ring.
Hekle 12 staver i ringen og fest.
Hekle 2 staver i hver stav runden rundt, fest.
Hekle 2 staver i 1. stav, så 1 stav. Fortsett rundt,og fest.
Hekle 2 staver i 1. stav, så 2 staver. Fortsett rundt, og fest.
Hekle 2 staver i 1. stav, så 3 staver. Fortsett rundt, fest.

Fortsett rundt til ønsket lengde.
Hekle en kant rundt med picoter (3 lm, 1 fm i første lm, hopp over 1 m, 1 fm i kanten)

Blomst:
Hekle 6 lm, fest til ring.
Hekle 15 fm i ringen.
Hekle 4 lm, dobbelstav i neste m, 4 lm og 1 fm i neste maske. Fortsett rundt.

Blomsten festes med noen sting i luen.

Tube-sokkar

Kjekke leggvarmarar.

Fann oppskrifta på Garnstudio sine sider. Oppskrift nr. 86-20.

Valgde å strikka dei i Sisu.

Gammalt vottemønster

Dette er eit gammalt vottemønster som er

rekonstruert etter ein original som er å finna

på Osterøy Museum.

Vottane har forskj. navn som kyrkjevottar el. søndagsvottar.

Eg har brukt Bambino babyull. P.nr. 2 1/2.

Haust møter vinter

Tok med meg apparatet på ein liten fotosafari i helga.

Hekla brikke

Denne er hekla for lenge sidan. Ser nesten ut som Hardanger saum. Hugsar ikkje kva garn eg brukte. Mulig det er Mølnlycke...

Tova vesker

Veskene er strikka i Vamse garn frå Husfliden og Fritidsgarn. Tova i vaskemaskina.

Lagde knapphol og brukte glassperlepynt som knapp.

Strikkeferje over Bømlafjorden. :)

Minne frå hausten -08, då Bømlo Husflidslag feira 20 års jubileum. Eg var skikkeleg langveisfarande då eg var med på denne kjekke turen. Sjøen var ikkje akkurat roleg då vi for att og fram på Bømlafjorden ! Men med strikketøy, kaffi og vafler var vi samde om at vi hadde ein gild tur. :)

Hekla duk

Denne duken er hekla i Solberg 12/3 mercerisert bomullsgarn.

Oppskrifta sto i et ukeblad for lenge sidan, men er å finna i Gjestal hefte. nr. 1006-10

Når du vil strikke av eit anna garn..

Det er ikkje alltid at garnet ein har lyst til å strikke av, er det samme som i oppskrifta. Her er eit reknestykke eg brukar ofte når eg må forandre masketalet, og som fungerer veldig bra:

Garnet i oppskrifta: Strikkefastheit: 17 m = 10 cm
Legg opp 70 m
70 : 17 = 4,1
Etter vrangborda aukast til 85 m
85 : 17 = 5

Ny oppskrift: Strikkefastheit: 22 m = 10 cm
Legg opp
4,1 x 22 = 90 m
Etter vrangborda aukast til
5 x 22 = 110 m

Garnvett reglane. :)

Gode råd hvis du har tenkt deg ut på tur:

1. Legg ikkje ut på langtur utan tilstrekkeleg utstyr.
2. Meld frå kor du går, husk det kan vera andre strikkera som ønskjer selskap.
3. Vis respekt for garn og pinner.
4. Lytt til erfarne strikkera.
5. Vær rusta mot dårlege tider, sjøl for korte periodar, ha alltid nok garn i reserve.
6. Husk kart og kompass, slik at ingen garnforretning er trygg.
7. Gå ikkje aleine, viktig å ha selskap.
8. Vend i tide, det er ingen skam å snu, dersom nøden etter garn er stor.
9. Spar på kreftene, og grav deg ned i garnet om nødvendig.

God tur ! ;)

Madeira - ei vakker øy !

Bilder frå vakre Madeira. Var der i april -07.

Brodert pute frå Madeira

Madeira er ei vakker og fin øy som er verdt eit besøk. Dei er flinke med handarbeid og eg kjøpte denne vakre puta av ei dame der.